Тибқи нақшаи чорабиниҳои тасдиқгардидаи мақомоти иҷроияи ҳокимияти давлатии шаҳр тариқи усули "Маҳалла ба маҳалла" бо бонувону модарони кумитаи маҳаллаи ба номи Шарифҷон Ҳусейнзода мулоқоти гуруҳи корӣ дар ҳайати муовини Раиси шаҳр Раҳмонзода Г.Р., мудири бахши кор бо занон ва оила Орифӣ М., намояндагони бахши шаҳрии агентии меҳнат ва шуғли аҳолӣ, маркази ҳунарҳои мардумӣ ва рушди малакаҳои муосир баргузор гардид.

Дар мулоқот вобаста ба вазъи сиёсии ҷаҳони имрӯза, пешгирии ҳодисаҳои номатлуб, шомилшавии ҷавонон ба ҳизбу ҳаракатҳои мамнуъ, пошхӯрии оилаҳои ҷавон, пешгирии зуроварӣ дар оила, риояи қонунҳои миллӣ бобати танзими ҷашну маросим ва масъулият дар таълиму тарбияи кӯдак, тарбияи ватанпарастиву инсондустии насли наврасу ҷавон, эҳтиром ба арзишҳои миллӣ, пешгирии бегонапарастӣ, истифодаи сарфаронаи нерӯи барқ, ба касб ва шуғли доимӣ фаро гирифтани занону духтарон, ободкорию созандагӣ, шукргузорӣ аз фазои сулҳу субот, даъвати ҷавонон ба сафи Қувваҳои Мусаллаҳи кишвар, эҳтиром ба арзишҳои милливу давлатӣ, пос доштани фарҳанги куҳанбунёди тоҷик, огоҳ будан аз равандҳои гуногуни олам ва дигар масъалаҳои ҷорӣ мавриди баррасӣ қарор гирифт.

Ҳамзамон, ҳайати гуруҳи корӣ аз вазъи истифодаи самараноки заминҳои наздиҳавлигӣ ва ғунучини меваҳои мавсимӣ дар маҳаллаи мазкур дидан намуданд.