Ба ифтихори Иди саиди Қурбон ва рӯзи касбии кормандони соҳаи манзилию коммуналӣ бо мақсади дастгирии иҷтимоии кормандони соҳаи хизматрасонии коммуналӣ, бо ташаббуси мақомоти иҷроияи ҳокимияти давлатии шаҳри Конибодом ба 30 нафар кормандони Корхонаи давлатии фаръии Хоҷагии манзилию коммуналӣ маводи хӯрока тақдим карда шуд.

Кӯмакҳои моддӣ, ки аз маводи ғизоии зарурӣ иборат буд, аз ҷониби Раиси шаҳр Даврон Зоҳидзода супорида шуд.

Зикр гардид, ки кормандони хоҷагии манзилию коммуналӣ дар раванди корҳои ободониву бунёдкорӣ ва сабзу хуррамгардонии кишвар саҳми арзишманд гузошта, минбаъд низ, барои барои баланд бардоштани сатҳу сифати хизматрасонӣ ба аҳолӣ даъват ба амал оварда шуд.

Дар идома, аз ғамхориҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди бонизоми соҳа ёдовар шуда, таъкид гардид, ки дастгирии қишрҳои заҳматкаш яке аз самтҳои муҳими сиёсати иҷтимоии давлату Ҳукумати Ҷумҳурии Тоҷикистон ба шумор меравад.

Ин иқдом дар доираи татбиқи сиёсати инсондӯстонаи Пешвои муаззами миллат, муҳтарам Эмомалӣ Раҳмон амалӣ гардида, ҳадафи он арҷгузорӣ ба заҳмати софдилонаи кормандони соҳа ва таҳкими ҳисси ғамхорӣ дар рӯзҳои иду шодмонӣ мебошад.