Мулоқоту вохӯриҳо бо сокинони деҳаҳои шаҳри Конибодом бо усули "деҳа ба деҳа" "маҳалла ба маҳалла" идома дорад.

Мулоқоти навбатии гуруҳи корӣ дар шаҳраки Ғалабаи ҷамоати деҳоти Патар бо сокинону фаъолон доир гардид.

Дар мулоқот муовини якуми Раиси шаҳр Шӯҳрат Шокирӣ иштирок ва суханронӣ намуд.

Инчунин баромадкунандагон зимни суханронӣ оиди мӯҳтавои қонунҳои Ҷумҳурии Тоҷикистон "Дар бораи танзими ҷашну маросим дар Ҷумҳурии Тоҷикистон", "Дар бораи масъулият барои таълиму тарбияи кӯдак", " Дар бораи тарбияи ватандӯстии шаҳрвандон"ва "Дар бораи ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон" моддаи 382 " Риоя накардани қоидаҳои истифодаи қувваи барқ ва гармӣ" ҳарф зада, таъкид карданд, ки масъалаҳои пешгирии омилҳои номатлуби терроризму ифротгароӣ, тарғибу ташвиқи фарҳанги миллӣ, баланд бардоштани ҳисси ватандӯстӣ, ташаккули худшиносиву зиракии сиёсӣ, арҷгузорӣ ба муқаддасоти давлат ва хизмат дар сафи Қувваҳои Мусаллаҳи Ҷумҳурии Тоҷикистон, ҳифзи арзишҳои фарҳанги миллӣ, тарғиби тарзи ҳаёти солим ва пешгирии ҷудошавии оилаҳои ҷавон, сухан ронда шуд.Чунин мулоқотҳо бо усули "деҳа ба деҳа", "маҳалла ба маҳалла" дар дигар ҷамоату деҳот кумитаҳои маҳаллии шаҳр баргузор карда мешавад.