Аъзоёни гуруҳи кории ҷамоати деҳоти Фирӯзоба дар доираи фаъолияти таблиғотиву фаҳмондадиҳӣ бо мақсади баланд бардоштани сатҳи огоҳии сокинон оид ба истифодаи самараноки қувваи барқ гардиши "Хона ба хона" - ро дар деҳаҳои ҷамоати деҳоти мазкур роҳандозӣ намуданд.

Ҳангоми ташрифи "Хона ба хона" ба сокинон вобаста ба ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон, моддаи 382 "Оид ба риоя накардани қоидаҳои истифодаи қувваи барқ ва гармӣ" корҳои фаҳмонидадиҳӣ гузаронида шуда, ҷиҳати кам кардани исрофкориҳо даъват ба амал оварда шуд, ки аз таҷҳизоти каммасраф истифода баранд ва тарзи ҳаёти сарфакоронаро риоя намоянд.