Дар ҷамоати деҳоти Кӯҳандиёр вобаста ба пешгирии коррупсия ва дигар падидаҳои номатлуби иҷтимоӣ бо иштироки сокинони маҳаллаҳо, омӯзгорону фаъолон мулоқот доир гардид.

Дар мулоқот Сардори шуъбаи муқовимат ба коррупсияи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд подполковники адлия Маҳмудзода Олим, нозири калони шуъбаи муқовимат ба коррупсияи раёсати Агентӣ капитани адлия Шоҳқурбониён Беҳруз иштирок ва суханронӣ намуданд.

Баромадкунандагон зимни суханронӣ оид ба иҷроиши Қонунҳои Ҷумҳурии Тоҷикистон "Дар бораи танзими ҷашну маросим дар Ҷумҳурии Тоҷикистон", "Дар бораи масъулият барои таълиму тарбияи кӯдак", "Дар бораи тарбияи ватандӯстии шаҳрвандон", "Дар бораи ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон" дар қонунгузории Ҷумҳурии Тоҷикистон дар кодекси ҷиноятии Ҷумҳурии Тоҷикистон моддаи 253 иловаи 1 ва 382 кодекси маъмурии Ҷумҳурии Тоҷикистон дар самти истифодаи қувваи барқ, " Риоя накардани қоидаҳои истифодаи қувваи барқ ва гармӣ" ҳарф зада, таъкид карданд, ки муқовимат бо коррупсия кори дастаҷамъона буда бояд ҳар як сокини кишвар дар коҳиш додани сатҳи коррупсия саҳмгузор бошад.

Ҳамзамон, дар бораи таҳдиду хатарҳои терроризм, экстремизм ва дигар ҷиноятҳои фаромиллӣ ибрози андеша намуда, қайд гардид, ки бо роҳи фаъол намудани чорабиниҳо дар ин самти муҳим корҳои ташвиқотию тарғиботӣ ва тадбирҳои доимӣ андешида шавад.