Тибқи нақшаи муштараки мақомоти иҷроияи ҳокимияти давлатии шаҳр имрӯз дар деҳаи Гулбоғи ҷамоати деҳоти Фирӯзоба мулоқот бо сокинону фаъолони деҳа вобаста ба масъалаҳои мубрами рӯз аз ҷумла пешгирии шомилшавии ҷавонон ба ҳизбу ҳаракатҳои ифротӣ - экстремистӣ террористӣ, тарбияи ҷавонон дар рӯҳияи ватандӯстӣ, танзими анъана ва ҷашну маросими Ҷумҳурии Тоҷикистон, "Дар бораи ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон" моддаи 382 " Риоя накардани қоидаҳои истифодаи қувваи барқ ва гармӣ", даъвати ҷавонон ба сафи Қувваҳои Мусаллаҳ, масъулияти падару модар дар тарбияи фарзанд ва бедор намудани ҳисси ватандӯстӣ доир гардид.

Дар мулоқот мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Маҳмудов Баҳодур, Раиси КИ ҲХДТ дар шаҳри Конибодом Шерматова Фирӯза, мудири бахши хадамоти муҳоҷират дар шаҳри Конибодом Толибова Фарзона, сармутахассис ҳуқуқшинос оид ба ҳифзи ҳуқуқи кӯдак Фарида Шокирова, сармутахассиси шуъбаи рушди иҷтимоӣ ва робита бо ҷомеаи дастгоҳи раиси шаҳр Толибов Искандар иштирок ва суханронӣ намуданд.

Баромадкунандагон зимни суханронӣ оиди мӯҳтавои Қонунҳои Ҷумҳурии Тоҷикистон "Дар бораи танзими ҷашну маросим дар Ҷумҳурии Тоҷикистон", "Дар бораи масъулият барои таълиму тарбияи кӯдак", " Дар бораи тарбияи ватандӯстии шаҳрвандон"ва "Дар бораи ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон" моддаи 382 " Риоя накардани қоидаҳои истифодаи қувваи барқ ва гармӣ" ҳарф зада, таъкид карданд, ки масъалаҳои пешгирии омилҳои номатлуби терроризму ифротгароӣ, тарғибу ташвиқи фарҳанги миллӣ, баланд бардоштани ҳисси ватандӯстӣ, ташаккули худшиносиву зиракии сиёсӣ, арҷгузорӣ ба муқаддасоти давлат ва хизмат дар сафи Қувваҳои Мусаллаҳи Ҷумҳурии Тоҷикистон, ҳифзи арзишҳои фарҳанги миллӣ, тарғиби тарзи ҳаёти солим ва пешгирии ҷудошавии оилаҳои ҷавон, сухан ронда шуд.Чунин чорабиниҳои иттилоотӣ дар дигар ҷамоату деҳоти шаҳр баргузор карда мешавад.