Дар доираи «Ҳафтаи поси хотир» тибқи нақшаи чорабиниҳои Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон дар арафаи 80- солагии Рӯзи Ғалаба аз болои фашизми Германия дар Ҷанги Бузурги Ватанӣ дар МТМУ №16 ба номи қаҳрамони Иттиҳоди Шӯравӣ Неъмат Қарабоев маҳфили хотирмон бо иштироки хонандагону омӯзгорони мактаб, сокинони маҳаллаҳои ҳудуди он, собиқадорони меҳнат, ҷанговарони байналмиллал ва бартарафкунандагони садамаи Нерӯгоҳи Атомии Чернобил баргузор гардид.

Қабл аз оғози маҳфил ба пояи муҷассамаи Неъмат Қарабоев маросими гулчанбаргузорӣ доир гардида, як гурӯҳ хонандагони фаъол ба сафи Созмони хонандагон қабул карда шуданд.

Дар чорабинии мазкур меҳмонон аз шаҳри Хуҷанд Додохон Эгамзода нависанда, Амирҷон Нурзода Директори Коллеҷи тиббии шаҳри Хуҷанд ва Юлдошев Абдуҷаббор раиси созмони ҲДТ дар вилояти Суғд иштирок ва суханронӣ карданд.

Дар чорабинӣ ҳамчунин раиси Шӯрои собиқадорони меҳнати шаҳр Наимҷон Ғаниев, муовини раиси Шӯрои шаҳрии Ҳаракати ваьдати миллӣ ва эҳёи Тоҷикистон Ашӯрматзода Замира, мудири шӯъбаи ташкилии КИШ ҲХДТ Акмал Ализода ва мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Баҳодур Маҳмудов иштирок карданд.