Дар маросими тақсимоти кирмак, ки 9 апрел дар ҶСК «Пиллаи тоҷик» - и шаҳр сурат гирифт, кирмакпарварони ҷамоати деҳоти Пўлодон ва Патар қуттиҳои аввалинро соҳиб шуданд. Алъон, 1050 қуттӣ кирмаки навъи «Хитоӣ» барои тақсимот омода буда, дар кўтоҳтарин фурсат ба ҷамоатҳои деҳоти дигар низ дастрас мешавад. Он дар ҳосилнокӣ аз навъҳои дигар бартарият дошта, ҳамчунин, барои шароитҳои гуногун тобовар аст. Кирмакпарварон ният доранд, ки парвариши онро хуб ба роҳ монда, аз ҳар як қуттӣ 38 килограммӣ ҳосили босифат рўёнанд.

Раиси шаҳр Даврон Зоҳидзода дар маросими тақсимот ширкат варзида, барои дар муҳлати муайян ба анҷом расонидани тақсимоти он ва бо сифати баланд супоридани пилла барор хост. Ҳамзамон, ба чанде аз кирмакпарварон туҳфаҳои хотиравӣ тақдим намуд.