Дар шаҳри Конибодом бо мақсади рушди ҳунармандӣ ва ҷалби таваҷҷуҳи сайёҳон ба ҳунарҳои мардумӣ ва миллӣ дар асоси ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2025 ва таъмини иҷрои Амри Президенти Ҷумҳурии Тоҷикистон аз 2 январи соли 2025 Фестивал-озмуни шаҳрии «Беҳтарин армуғон» баргузор гардид.

Дар фестивал-озмуни мазкур ҳунармандон аз ташкилоту муассисаҳо, шаҳраку ҷамоатҳои деҳот ширкат варзида, ҳунари дастии армуғонсозиро ба намоиш гузоштанд.

Раиси шаҳри Конибодом Зоҳидзода Даврони Абдуқодир аз намоишгоҳ дидан намуда, зикр дошт, ки чорабинии мазкур дар партави дастуру супоришҳои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади рушди ҳунари армуғонсозӣ, муаррифии намудҳон гуногуни босифат ва ташаккули шакли нави маҳсулоти армуғонӣ, муайянсозии тамоюлоти нав дар соҳа, истеҳсоли маҳсулоти армуғонӣ бо истифодаи рамзҳои миллӣ, эҳёи анъанаҳои аҷдодӣ, ҳунарҳои мардумӣ, ҳифз ва нигоҳдории мероси фарҳангӣ, тарбияи ҳисси зебоипарастӣ ва дастгирию ҳавасмандгардонии ҳунармандон гузаронида мешавад.

Дар ҷамъбаст голибони даври шаҳрӣ муайян гардида, бо диплом ва туҳфаҳои мақомоти иҷроияи ҳокимияти давлатии шаҳр сарфароз гардонида шуданд.