Баҳри вусъат додани корҳои ободонӣ, бунёдкорию созандагӣ, ҳисси зебоипарастӣ, хештаншиносӣ, баланд бардоштани завқи зебоипарастӣ, фарҳанги шаҳрдорӣ ва дар асоси амри Президенти Ҷумҳурии Тоҷикистон аз 2 январи соли 2025 дар шаҳр Фестивали шаҳрии гулҳо таҳти унвони "Сайри гули лола" баргузор гардид.

Дар чорабинии мазкур намояндагони ҷамоатҳои шаҳраку деҳот ва ташкилоту муассисаҳои шаҳр ширкат варзиданд.

Аз ҷараёни баргузории Фестивали шаҳрии гулҳо Раиси шаҳри Конибодом Зоҳидзода Даврони Абдуқодир дидан намуда, ба иштирокчиён баҳои баланд дода шуд.

Зимни суханронӣ Раиси шаҳри Конибодом зикр кард, ки ҳадафи асосии баргузории ин фестивал тарбияи ҳисси зебоипарастӣ, отифанигорӣ, хештаншиносӣ, ватандӯстӣ, эҳёи анъанаҳои миллӣ, оммавӣ гардонидани суннатҳои беҳтарини миллӣ, ҷалби бештари сокинон ба корҳои ободонию кабудизоркунӣ, баланд бардоштани завқи эстетикӣ, зебоишиносӣ, сатҳи маърифати экологии сокинон ва тозагии муҳити зист мебошад.

Ғолибони Фестивали шаҳрии гулҳо - "Сайри гули лола" бо Диплом ва туҳфаҳои хотирмони Мақомоти иҷроияи ҳокимияти давлатии шаҳр мукофотонида шуданд.