Дар майдони ба номи Исмоили Сомонии шаҳри Конибодом ба ифтихори гусели гурӯҳи аввалини даъватшавандагон ҷамъомади тантанавӣ баргузор гардид.

Дар ҷамъомад таъкид гардид, ки хизмати ҳарбӣ мактаби ҷасорату мардонагӣ ва қарзи фарзандии ҳар ҷавони боору номус буда, барои адои хизмати ҳарбӣ дар мамлакат шароитҳои мусоиди фароҳам оварда шудааст.

Баромадкунандагон хизмати ҳарбиро на танҳо вазифа, балки қарзи муқаддаси ҳар як ҷавонписар номида, ба наваскарон бурдборӣ, сарбаландӣ ва муваффақиятҳои бузург орзу намуданд.

Ҷамъомади тантанавӣ бо барномаи рангини аҳли фарҳангу ҳунари шаҳр идома ёфт. Иҷрои таронаҳои ватандӯстона ва оҳангҳои дилнишин ба чорабинӣ шукуҳ бахшида, рӯҳияи ҳозиринро баланд бардошт.