Шумои гиромиро аз номи тамоми сокинони меҳнатқарини шаҳри Конибодом ба муносибати вакили Маҷлиси вакилони халқи вилояти Суғд интихоб гардиданатон самимона табрику муборакбод менамоем.

Мо бахубӣ огаҳем, ки Шумо, муҳтарам Раис тайи солҳои зиёди хизмати давлатӣ, ҳангоми фаъолият дар Мақомоти иҷроияи ҳокимияти давлатии вилояти Суғд ва дар вазифаи раиси якчанд шаҳру ноҳияҳои вилоятамон тавассути кӯшишу талошҳои пайваста ва фаъолияти босамаратон собит намудаед, ки дар воқеъ роҳбари кордону ташаббускор ҳастед.

Мо, сокинони Канди бостонӣ боварии комил дорем, ки таҳти роҳбарии оқилонаи Шумо, муҳтарам Раис шаҳру деҳотамон боз ҳам ободтару зеботар гардида, дар ояндаи наздик дастоварду комёбиҳои назаррасро дар тамоми соҳаҳои хоҷагии халқи шаҳр афзун хоҳем намуд.

Халқи Конибодом ба Шумо эътимод дошта, дар якҷоягӣ дар паҳлӯи Шумо барои ободиву пешрафти диёри азиз аҳлона талош меварзанд.

Бори дигар, Шуморо ҷиҳати интихоб шуданатон ба ҳайси вакили Маҷлиси вакилони халқи вилояти Суғд муборакбод намуда, бароятон тани сиҳату хотири ҷамъ, тамоми хушиҳои зиндагӣ ва дар фаъолияти пурмасъули хизматиатон барору пирӯзиҳо орзумандем.