Даврон Зоҳидзода нахуст бо раванди корҳои сохтмонии ҳавзи шиноварӣ, ки дар кӯчаи ба номи С.Айнӣ бунёд шуда истодааст, шинос шуд. Сохтмони иншооти мазкур бо саҳми соҳибкори маҳаллӣ Самиҷон Собиров сохта шуда истодааст.

Иҷрокунандаи вазифаи Раиси шаҳр ба масъулин ҷиҳати босифат анҷом додани корҳои сохтмонӣ дастуру супоришҳои мушаххас дод.

Сипас, иҷрокунандаи вазифаи Раиси шаҳр аз фаъолияти корхонаҳои истеҳсолии ҶДММ “Империя” ва ҶДММ “Созандаи диёр”, ки маҳсулоти оҳану бетонӣ ва регу шағал истеҳсол мекунанд, шинос шуд.

Зимни шиносоӣ бо сохтмони истироҳатгоҳ, ки дар деҳаи Равоти ҷамоати деҳоти Пӯлодон қомат афрохтааст, иттилоъ дода шуд, ки иншооти мазкур низ бо маблағгузории соҳибкор Самиҷон Собиров ба истифода дода шуда, корҳои сохтмонӣ соли 2022 оғоз шуда, мутахассисони маҳаллӣ ба кори мавсимӣ ва маоши хуб ҷалб карда шудаанд. Даврон Зоҳидзода ба масъулини дахлдор дастур дода, таъкид кард, ки ин мавзеъ дар ояндаи наздик бояд ба яке аз ҷойҳои истироҳату фароғатии сокинон мубаддал гардад.