Дар ҷараёни он масъалаҳои раванди пардохти кумакҳои унвонии иҷтимоӣ, вазъи муроҷиати шаҳрвандон дар ин самт, тақвияти корҳои иттилоотӣ оид ба фарогирии аҳолӣ мавриди баррасӣ қарор гирифтанд. Зикр гардид, баҳри амалисозии нишондодҳои қарори марбута ва дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти беҳдошти иҷтимоии сокинон амалисозии маъракаи иттилоотӣ мувофиқи мақсад мебошад. Биноан дар назар аст, ки давоми моҳҳои январ-феврали соли ҷорӣ дар маркази шаҳр ва ҷамоатҳои деҳоти Патар ва Пулотон маъракаи иттилоотӣ оид ба фаҳмонида додани кумакҳои унвонии иҷтимоӣ роҳандозӣ гардад.

Лозим ба зикр аст, ки мизи мудаввари мазкур аз руйи лоиҳаи “Вусъат додани маълумот дар бораи кумаки унвонии иҷтимоӣ дар Ҷумҳурии Тоҷикистон” аз тарафи ташкилоти ҷамъиятии “Пайроҳаи хушбахтӣ” ва дастгирии шарикони рушд: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ташкилоти байналмилалии “АКТЕД” дар мавзӯи “Мусоидат дар баланд бардоштани сатҳи кормандони ҳифзи иҷтимоӣ оид ба кумаки унвони иҷтимоӣ дар ҷамоатҳои деҳоти Пулотон, Патар ва марказӣ шахри Конибодом” гузаронида шуд.

Дар мизи мудаввар муовини Раиси шаҳр Раҳмонзода Г. иштирок намуда, дар баромади худ қайд намуд, ки ҷиҳати иҷрои қарори №488 аз 30 августи соли 2024 тадбирҳои мушаххас андешида, дар ин самт корҳои тарғиботиву ташвиқотӣ бояд ҷоннок карда шаванд.