Дар мулоқоти иҷрокунандаи вазифаи Раиси шаҳр Даврон Зоҳидзода, ки рӯзи гузашта бо сокинони ҷамоати деҳоти Пӯлотон баргузор гардида буд, сокини ҷамоати мазкур Неъмат Абдуқодиров оид ба пур шудани канали Кӯчкак бо партов ва лоиқа муроҷиат намуда буд. Вобаста ба баррасии муроҷиати мазкур субҳи имрӯз ичрокунандаи вазифаи Раиси шахри Конибодом Даврон Зоҳидзода бо шахсони масъули соҳаи хоҷагии об аз ҳолати кунунии канали Кӯчкак ва канали бетонии Конибодом дидан намуд. Иҷрокунандаи вазифаи Раиси шаҳр ба масъулин супориш дод, ки канали Кӯчкак дар масоҳати 300 метр дар муҳлати кӯтоҳ тоза карда шуда, барои бартараф намудани камбудиҳои ҷойдошта дар канали бетонии Конибодом то мавсими обёрии заминҳои кишоварзӣ дастуру супоришҳо дода шуд.