Иҷрокунандаи вазифаи Раиси шаҳр Даврон Зоҳидзода Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» шарҳ дода қайд кард, ки Паём ҳамчун як роҳнамои амиқи сиёсиву иқтисодӣ барои рушди устувор ва таъмин намудани амнияти миллӣ хизмат мекунад. Дар он тамоюлҳои нави рушди ҷаҳонӣ ба назар гирифта шуда, ҳадафҳои стратегии кишвар, аз ҷумла таъмини амнияти озуқаворӣ, саноатикунонии босуръат ва ноил шудан ба истиқлоли энергетикӣ мавриди таҳлил қарор гирифтанд.

Ҳамчунин зикр гардид, ки бо дарназардошти аҳамияти инфрасохтори иқтисоди рақамӣ, инчунин, муносибатҳои иштирокчиёни соҳибкории рақамӣ ва савдои электронӣ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни манзури Паёми навбатии худ ба Парлумони мамлакат, пешниҳод намуданд, ки ҷиҳати вусъат бахшидан ба равандҳои инноватсионӣ ва истифодаи ҳамаҷонибаи имкониятҳои технологияҳои рақамӣ дар иқтисодиёт солҳои 2025 – 2030 «Солҳои рушди иқтисоди рақамӣ ва инноватсия» эълон карда шаванд.

Сипас пурсишу посухи ошкоро сурат гирифта, ҷамъомадагон аз иҷрокунандаи вазифаи Раиси шаҳр посухҳои муфассал гирифтанд. Дар анҷоми мулоқот Даврон Зоҳидзода зикр кард, ки барои иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паём зикргардида баҳри таъмини волоияти қонун, пешгирии ҳамагуна ҷинояткорию қонуншиканиҳо ва исрофкорию зиёдаравиҳо дар байни аҳҳолӣ корҳои огоҳсозӣ баранд ва тадбирҳҳои мушаххасу саривақтӣ амалӣ намоянд. Ҳамчунин ба масъулини соҳаҳои кишоварзӣ ва идораи беҳдошти замин ва обёрӣ оид ба бартараф намудани камбудиҳои ҷойдошта дастуру супоришҳои мушаххас дод.