Имрӯз иҷрокунандаи вазифаи Раиси шаҳр Зоҳидзода Даврони Абдуқодир бо мақсади шиносоӣ аз рафти корҳои таъмир ва омоданамоии пойгоҳҳои обкашии "Маҳрам" ва "Нур" дидан ба амал оварда, бо мутахассисону кормандони пойгоҳҳои обкашии мазкур мулоқот намуд. Зимни мулоқот вобаста ба муҳимияти нақши пойгоҳҳои обкашӣ дар мавсими кишт ва бар ин васила ба даст овардани нишондиҳандаҳои назаррас таъкид гардид. Иҷрокунандаи вазифаи шаҳрдор зикр дошт, ки масъалаи истифодаи замин ва обёрӣ дар мадди таваҷҷуҳи доимии Ҳукумати мамлакат, хоса Пешвои муаззами миллат муҳтарам Эмомалӣ Раҳмон қарор дошта, баҳри иҷрои саривақтии дастуру супоришҳои роҳбарияти олии мамлакат ва бо мақсади ғанӣ сохтани бозори дохилӣ ва саҳмгузорӣ дар фаровонии маҳсулоти кишоварзӣ ба ҳар як хонавода бояд пойгоҳҳои обкашӣ дар мавридҳои муайян омода гарданд. Бо ин мақсад то санаи 1-март пурра ва бо сифати баланд ҷамъбаст намудани корҳои тармиму азнавсозӣ ба масъулин вазифагузорӣ гардид.