Бо мақсади шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» гуруҳҳои корӣ таъсис дода шуданд, ки онҳо бо усули «Деҳа ба деҳа» ва «Маҳалла ба маҳалла» бо сокинон суҳбату мулоқот анҷом медиҳанд. Чунин вохӯрӣ бо сокинони ҷамоати деҳоти Пӯлотон баргузор шуд.

Аъзои гурӯҳи корӣ дастуру супоришҳои Пешвои муаззами миллат муҳтарам Эмомалӣ Раҳмонро, ки дар Паёми имсолаи Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон баён гардиданд, ба сокинони ҷамоати деҳот расонид.

Дар вохӯрӣ масъалаҳои вусъат бахшидани корҳои ободонию созандагӣ бахшида ба 35-солагии Истиқлоли давлатӣ, пешгирии шомилшавии ҷавонон ба ҳизбу ҳаракатҳои террористиву экстремистӣ, иҷрои қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» ва «Дар бораи масъулият барои таълиму тарбияи кӯдак» баррасӣ шуданд.

Дар вохӯрӣ сокинони ҷамоати деҳот ибрози андеша намуда, ҷонибдории худро аз сиёсати инсондӯстона ва маорифпарваронаи Роҳбари давлат баён доштанд.