Санаи 5 декабри соли ҷорӣ дар шаҳри Хуҷанд озмуни “Беҳтарин ҳамсар” ва озмуни “Беҳтарин оилаи ҳунарманд” баргузор гардид. Дар озмуни “Беҳтарин ҳамсар” оилаи сокинони ҷамоати деҳоти Куҳандиёр Алиҷон Меликов ва Малика Мақсудова иштирок намуда, сазовори ҷойи ифтихорӣ гардида, бо сипосномаи Раиси вилояти Суғд сарфароз гардонида шуданд.

Дар озмуни “Беҳтарин оилаи ҳунарманд” бошад оилаи ҳунармандон Қаҳрамон Самиев ва Фирӯза Самиева аз ҷамоати деҳоти Пӯлотон иштирок намуданд. Ин оилаи ҳунарманд сазовори ҷои аввал гардида, бо Дипломи дараҷаи 1 - ум ва бо туҳфаҳои хотиравӣ мукофотонида шуда ва ба даври ҷумҳуриявӣ роҳхат гирифтанд. Озмунҳо бо ташаббуси Кумитаи кор бо занон ва оилаи назди Ҳукумати ҷумҳурӣ дар доираи амалисозии "Барномаи давлатии рушди оила дар Ҷумҳурии Тоҷикистон барои солҳои 2024–2028" баргузор мешавад.

Ҳадаф аз баргузории озмунҳои мазкур баланд бардоштани маърифати оиладорӣ, тарбияи дурусти фарзанд, ҷалби ҷавонон ба касбу ҳунаромӯзӣ, рушди ҳунарҳои халқӣ, тарбияи насли наврас дар руҳияи ватандӯстию худшиносӣ ва зебоипарастиву меҳнатдӯстӣ мебошад.