Дар деҳаи Файзбори ҷамоати деҳоти ба номи Р. Ҳамробоев бахшида ба эълон гардидани соли 2024 ҳамчун ,,СОЛИ МАЪРИФАТИ ҲУҚУҚӢ" мулоқоти навбатӣ баргузор гардид. Дар мулоқот оид ба қабули Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» ва «Дар бораи масъулият барои таълиму тарбияи кӯдак» ҳамзамон доир ба пешгирии ҳодисаҳои номатлуб дар ҷомеа махсусан дар байни занону наврасон суханронӣ карда шуд. Дар чорабинии мазкур мудири шӯъбаи рушди иҷтимоӣ ва робита бо ҷомеа Баҳодурҷон Маҳмудов, котиби шӯрои шаҳрии Ҳаракати ваҳдати миллӣ ва эҳёи Тоҷикистон Замирахон Ашурматзода, мудири бахши ҷавонон аа варзиш Ӯрунов Мақсуд, сармутахассиси шӯъбаи кор бо занон ва оила Наргиза Исмоилова ва мутахассиси бахши дин, танзими анъана ва ҷашну маросим Зоҳидов Санҷар баромад намуданд. Баромадкунандагон оид ба худшиносию худоогоҳии миллӣ, сафарбарии ҷавонон ба Қувваҳои Мусаллаҳи Ҷумҳурии Тоҷикистон, ба ҳунармомӯзӣ ҷалб намудани духтарон, пешгирии ҷудошавии оилаҳо , таълиму тарбияи фарзанд, сарфаю сариштакорӣ дар гузаронидани тӯю маъракаҳо суханронӣ намуданд.