Имрӯз, дар маҷлисгоҳи Мактаби таҳсилоти миёнаи умумии рақами 54-и шаҳр мутобиқи нақшаи чорабиниҳои тасдиқгардидаи Мақомоти иҷроияи ҳокимияти давлатии шаҳри Конибодом бо иштироки муовини раиси шаҳр Гулчеҳра Раҳмонзода бо омӯзгорон, волидон ва хонандагони синфҳои болоӣ мулоқот баргузор гардид.

Дар мулоқот оид ба муҳтавои Паёми Сарвари давлат, пешгирии шомилшавии ҷавонон ба гурӯҳҳои ифтротгароӣ ва таълимоти ғайрирасмии динӣ, ҷалби ҷавонписарон ба сафи Қувваҳои Мусаллаҳи Ҷумҳурии Тоҷикистон, баланд бардоштани маърифати ҳуқуқии шаҳрвандон, пешгирии зӯроварӣ дар оила, ба касбомӯзӣ фаро гирифтани занону духтарони хонашин, пешгирӣ аз бемориҳои сироятӣ, тозаву озода нигоҳ доштани маҳалли зист, тарзи дурусти истифодаи телефони мобилӣ, одоби муошират, рафти иҷрои қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак” ва“Дар бораи танзими ҷашну маросим дар Ҷумҳурии Тоҷикистон” сухан карда шуд.