Дар ҷамоатҳои деҳоти Патар, Куҳандиёр ва ҷамоати деҳоти ба номи Раҷаб Ҳамробоев бо занону бонувон ҷиҳати татбиқи Барномаи давлатӣ дар бораи нақшаи чорабиниҳо оид ба амалӣ намудани «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021 – 2030 ҳамоиш доир гардид. Мақсад аз баргузории чорабинӣ ин фаҳмонидани ҳадафи асосии Стратегия, фароҳам овардани замина ва шароити зарурӣ ва кофӣ барои пурра зоҳир намудани қобилияти занон дар ҳамаи соҳаҳои ҳаёти иҷтимоию иқтисодӣ, татбиқи сиёсати давлатии гендерӣ, механизмҳои татбиқи кафолатҳои конститутсионии баробарҳуқуқии мардону занон, пешгирӣ ва аз байн бурдани зӯроварӣ дар оила, рушди соҳибкории занон, баланд бардоштани маърифатнокии занон, таъмини иштироки васеи онҳо дар соҳаҳои ҳаёти ҷамъиятӣ ва ба ин васила таъмини рушди устувории давлат иборат буд. Зимни нишаст масъалаҳои марбут ба вазъи иҷтимоӣ ва беҳбуди шароити кору зиндагии бонувон ва фаъолияти занон дар сиёсат мавриди баррасӣ қарор гирифт.

Чорабинӣ бо ибтикори шӯъбаи кор бо занон ва оилаи мақомоти иҷроияи ҳокимияти давлатии шаҳр доир гашт.