21-уми ноябр дар Мақомоти иҷроияи ҳокимияти давлатии шаҳри Конибодом Пленуми 4 - уми Шурои собиқадорони ҷангу меҳнати шаҳр баргузор гардид. Раиси Шӯрои собиқадорони ҷангу меҳнат Наимҷон Ғаниев оид ба фаъолияти яксолаи ташкилот маълумот дод. Инчунин, дар пленум масъалаҳои ташкил ва омодагӣ ба таҷлили ҷашни Ғалаба ва самтҳои фаъолияти Шӯрои собиқадорони ҷангу меҳнати шаҳр баррасӣ гардиданд. Дар кори пленум муовини якуми раиси шаҳри Конибодом Шӯҳрат Шокирӣ иштирок ва баромад намуд. Шӯрои собиқадорони ҷангу меҳнат ҳамчун ташкилоти ҷамъиятӣ барои бештар ҷалб намудани таваҷҷуҳи аҳли ҷомеа ба масъалаҳои собиқадорон, инчунин тарбияи ватанпарастӣ, меҳнатдӯстӣ ва ахлоқию худшиносии ҷавонон нақши калон мебозад. Ҳамчунин Шавкат Алиев муовини раиси Шӯрои собиқадорони ҷангу меҳнати вилояти Суғд дар пленум иштирок ва баромад намуд.