Бо мақсади татбиқи сиёсати иҷтимоии Ҳукумати мамлакат ва иҷрои дастуру супоришҳои Пешвои муаззами миллат муҳтарам Эмомалӣ Раҳмон дар самти дастгирии ятимону маъюбон ва шахсони имконияташон маҳдуд дар шаҳри Конибодом Рӯзи байналмилалии "Асои сафед" ё худ Рӯзи ҷаҳонии нобиноён ҷашн гирифта шуд. Дар ҳамоиш муовини Раиси шаҳри Конибодом Гулчеҳра Раҳмонзода иштирок намуда, номаи табрикии раиси шаҳрро ба самъи ҳозирин расонид. Қайд карда шуд, ки Сарвари давлат аз ибтидо пуштибон, ғамхори маъюбону ятимон, шахсони яккаву танҳо ва нафарони барҷомонда буда, мунтазам барои таъминоти онҳо иқдомҳои хайрхоҳонаро амалӣ менамоянд. Ҳамчунин, дар чорабинӣ як қатор меҳмонон аз шаҳру ноҳияҳои ҷумҳурӣ, директори Ҷамъияти нобиноёни Тоҷикистон Ҷонтемир Нормуродов, директори Комбинати нобиноёни шаҳри Ҳисор Исрофил Содиқов иштирок намуданд. Бино ба гуфти раиси Ҷамъияти нобиноёни шаҳри Конибодом Ёқубҷон Юсуфов имрӯзҳо 204 нафар дар қайди ҷамъият номнавис шудаанд. Дар фарҷом аз ҷониби корманди шуъбаи фарҳанги шаҳр Дилшод Зоиров баҳри болидахотирии иштирокчиён барномаи консертӣ пешкаш гардид.

Ҳамасола 15 октябр дар асоси қарори СММ Рӯзи «Асои сафед» таҷлил мешавад. «Асои сафед» рамзи шахси нобино буда, он аввалин маротиба 15‐уми октябри соли 1964 дар ИМА бо ташаббуси Федератсияи байналмилалии нобиноён таҷлил гардид. Соли 1969 бошад, Федератсия ин санаро расман Рӯзи «Асои сафед» эълон намуд