Дар ҷамоати деҳоти Фирӯзоба ҳамоиш таҳти унвони "Ба хизмати Ватан омодаем!" баргузор гардид. Дар ҷамъомади тантанавӣ муовини якуми раиси шаҳр Шӯҳрат Шокирӣ, муовини раиси шаҳр Гулчеҳра Раҳмонзода, фаъолон ва собиқадорони ҷамоат, масъулини соҳа, даъватшавандагон ва волидайни онҳо иштирок намуданд. Гулчеҳра Раҳмонзода аз номи раиси шаҳри Конибодом Абдусалом Тӯхтасунзода ҷамъомадагонро табрик намуда, қайд кард, ки хизмат ба Ватан ифтихори ҳар як ҷавонмард буда, мактаби бузурги ҳаёт, ҷасорату мардонагӣ ва далерию шуҷоат ба ҳисоб рафта масъулияти баландтарину рисолати аввалиндараҷаи ҷавонмард аст. Ва имрӯз давлат ба нерӯйи пурқудрати Артиши миллӣ, садоқату ҷавонмардии муҳофизони шуҷои Ватан эътимод дорад.

Сипас ба даъватшавандагон, раисони кумитаҳои маҳалл, омӯзгорон, волидайни даъватшавандагон ифтихорнома ва туҳфаҳо тақдим карда шуд. Дар идомаи ҷамъомади тантанавӣ барномаи рангини фарҳангӣ пешкаши ҳозирин гардонида шуда, барои даъватшавандагон дастурхони идона ороста шуд.