Дар асоси банди 16 нақшаи чорабиниҳои татбиқи "Барномаи давлатии рушди муассисаҳои фарҳанги Ҷумҳурии Тоҷикистон барои солҳои 2021-2025" ва фармоиши вазири фарҳанги Ҷумҳурии Тоҷикистон бо мақсади ҷалби кӯдакону наврасон ба китобу китобхона, санаи 12.09.2024 дар китобхонаи вилоятии бачагонаи ба номи Аминҷон Шукӯҳӣ Озмуни ҷумҳуриявии "Библиомарафон" таҳти унвони "Ҳамнишине беҳ аз китоб махоҳ" баргузор гардид. Дар озмуни мазкур аз 15 шаҳру ноҳияҳои вилоят 14 нафар довталаб иштирок намуда, аз рӯи шартҳои озмун баромад намуданд. Ҳакамони нуқтасанҷ донишу малакаҳои иштирокдоронро санҷида, ҷои аввал насиби хонандаи синфи 9 МТМУ 4, узви фаъоли китобхонаи бачагонаи шаҳри Конибодом Ёқубова Шукрона гардид. Ғолиби озмун бо дипломи дараҷаи аввал ва тӯҳфаҳои хотиравӣ қадрдонӣ карда шуда, ба даври ҷумҳуриявӣ пешниҳод гардид.