Дар Мақомоти иҷроияи ҳокимияти давлатии шаҳри Конибодом таҳти раёсати муовини Раиси шаҳр Одил Охунзода Ситоди кории амалиёти "Кӯкнор"- 2024 доир гардид. Яке аз мақсадҳои асосии амалиёти мазкур ин ошкор ва нобуд кардани растаниҳои нашъадори худрӯй ва ғайриқонунӣ киштшуда, мубориза бар зидди интиқоли ғайриқонунии маводи нашъаовар, инчунин гузаронидани чорабиниҳои таблиғотӣ–пешгирикунанда байни сокинони шаҳру деҳот мебошад. Амалиёти "Кӯкнор- 2024" аз 1 – уми июн то 30 ноябри соли ҷорӣ дар ҳудуди шаҳру деҳоти Конибодом гузаронида мешавад.