Дар асоси нақшаи муштараки сохторҳои дахлдори шаҳри Конибодом дар самти рушди иҷтимоӣ ва робита бо ҷомеа бо сокинони деҳаю маҳаллаҳо бахшида ба эълон гардидани соли 2024 ҳамчун "Соли маърифати ҳуқуқӣ" вохӯрии аъзоёни гурӯҳи корӣ бо сокинони деҳаи Бекободи ҷамоати деҳоти Раҷаб Ҳамробоев дар чойхонаи деҳа доир гардид.

Дар ҳайати гурӯҳи корӣ муовини Раиси шаҳр Охунзода Одил, намояндаи шуъбаи шаҳрии Кумитаи давлатии амнияти миллии Ҷумҳурии Тоҷикистон дар шаҳри Конибодом, муовини раиси кумитаи иҷроияи ҲХДТ дар шаҳри Конибодом ва намояндаи комиссариати ҳарбии шаҳр иштирок ва суханронӣ намуданд.

Зимни баромад масъулин вобаста ба вазъи сиёсиву иҷтимоии ҷаҳони имрӯз, торафт афзоиш ёфтани хатару таҳдид ба мафкураи ҷомеаҳо, зиёдшавии омилҳои номатлуб дар байни аҳолӣ, махсусан қишри ҷавон, инчунин тҷиҳати расидан ба ҳадафҳои олии давлатдорӣ ва иштироки фаъолонаи аҳли ҷомеа дар раванди созандагию бунёдкорӣ, эҳсоси масъулият доштан дар раванди татбиқи ҳадафҳои стратегӣ, зарурияти рӯёнидани ду-се ҳосил дар як сол, муҳимияти ҳифзи Ватан, ҷалби ҷавонон ба хизмати ҳарбӣ, пешгирии шомилшавии ҷавонон ба гурӯҳу равияҳои мамнуъ, риояи талаботи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон”, Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, дигар масъалаҳои мубрами рӯз аз ҷумла бобати мулоқоти Президенти Ҷумҳурии Тоҷикистон мӯҳтарам Эмомалӣ Раҳмон,ки санаи 9-уми марти соли равон бо фаъолон, намояндагони ҷомеа ва ходимони дини кишвар баргузор гардид, суханронӣ намуданд.

Сӯҳбат озоду самимӣ сурат гирифт.