Мақомоти иҷроияи ҳокимияти давлатии шаҳри Конибодом ва шӯрои собиқадорони ҷангу меҳнат аз даргузашти собиқадори соҳаи рӯзноманигорӣ, аввалин ровӣ, аввалин наттоқи телевизиони Тоҷикистон Рафоат Абдусаломова андӯҳгин буда, ба аҳли пайвандони марҳум изҳори тасаллият менамоянд.

Рафоат Абдусаломова 10 марти соли 1939 дар ҷамоати деҳоти Пӯлодони шаҳри Конибодом ба дунё омадааст. Пас аз хатми соҳаи сухангустарии Донишгоҳи миллии Тоҷикистон тамоми ҳаёту эҷодиёти хешро ба соҳаи телевизион ва наттоқӣ бахшида, аввалин ровии телевизион буд.

Равонатон шод ва манзили охирататон обод бод, муаллимаи гиромӣ.