Кирмакпарварони шаҳрамон чун анъана имсол низ аввалинҳо шуда ба парвариши 2 ҳазору 100 қуттӣ тухми кирмак шурӯъ намуданд. Дирӯз тибқи cупориши Раиси вилоят Абдураҳмон Қодирӣ Сардори раёсати кор бо зан ва оилаи мақомоти иҷроияи ҳокимияти давлатии вилоят Нодира Мирзозода ба шаҳрамон ташриф оварда, бо вазъияти парвариш ва нигоҳубини кирмак дар хоҷагиҳои деҳқонӣ ва инфиродии ҳудуди ҷамоатҳои Пӯлодон ва Патар боздид ба амал овард. Зимни шиносоӣ бо ҳолати парвариш ва нигоҳубини кирмак аз наздик шинос гардида, бо кирмакпарварон дар ҷояш ҳамсӯҳбат шуда, дастурҳои зарурӣ дода, барори кор таманно намуд. Намояндаи мақомоти иҷроияи ҳокимияти давлатии вилоятро мудири шӯъбаи кор бо зан ва оилаи мақомоти иҷроияи ҳокимияти давлатии шаҳр Хуршеда Холматова ва сардори идораи фаръии пиллаи шаҳр Рауфҷон Бобоҷонов зимни шиносоӣ ҳамроҳӣ намуданд. Маъракаи кирмакпарварӣ дар хоҷагиҳои шаҳр муташаккилона идома дорад.