Дар шӯъбаи фарҳанги шаҳр шаби эҷодии шоира Замира Ҳоҷибоева баргузор гардид, ки дар он мухбирони ҳафтаномаи «Азия-плюс», маҷаллаҳои «Бонувони Тоҷикистон», «Шарқнома», намояндаи мақомоти иҷроияи ҳокимияти давлатии шаҳр ширкат варзиданд. Баромадкунандагон аз муваффақиятҳои эҷодии адиба сухан ронда, тасвирҳои зебову нотакрор, нозукбинӣ ва равониву cоддагии шеърҳояшро зикр карданд. Сурудҳо бар матни шоира аз ҷониби хонандаи МТМУ№2 М.Рӯзибоев ва овозхони шинохта Фурқат Иброҳимов садо доданд. Толибилмони МТМУ №7 ва 4, гимназияи №1 аз эҷодиёти З.Ҳоҷибоева шеърҳо қироат намуданд. Маҷмӯаи ашъори шоира «Рангинкамон» (2003), «Тӯҳфаи истиқлол» (2012) рӯи чоп омадааст. Китоби сеюмаш таҳти унвони «Сарбаландони Канд» дар арафаи чоп мебошад.