Бо дастури Раиси шаҳри Конибодом Абдусалом Тӯхтасунзода дар тамоми ҳудуди шаҳру деҳот, кӯчаву хиёбон, маҳаллаҳо, корхонаву ташкилот ва муассисаҳои таълимии шаҳрамон корҳои ободониву ниҳолшинонӣ ва хуррамгардонии диёрамон бовусъат идома дорад.

Ин навбат Раиси шаҳр дар маъракаи ниҳолшинонии ҳудуди МТМУ 49 иштирок намуда, якҷоя бо гурӯҳи хонандагону омӯзгорон, директорони муассисаҳои таълимӣ ва масъулини соҳаҳои гуногун дар ин ҳудуд ниҳолҳои ороишиву мевадиҳанда шинонид. Дар маъракаи ниҳолшинонӣ ниҳоли зардолую шафтолу ва олуча шинонида шуд.

Шаҳрдор зимни сӯҳбату гуфтугӯ бо иштирокдорон қайд кард, ки ҳар як муассиса, мактабу корхонаҳо бо истифода аз ҳавои мусоиди баҳор дар маъракаи ниҳолшинонӣ фаъолона иштирок намуда, дар заминҳои назди корхонаву идораҳои худ ниҳолҳои ороишиву мевадиҳанда шинонанд ва дар сарсабзии шаҳри азизамон саҳмгузор бошанд. Дар суханронии Раиси шаҳр шинонидани 100-бех ниҳолу дарахтон дар ҳар як муассисаҳои таълимӣ ва дар коллеҷу литсейҳо, хуррамгардонии тамоми гӯшаву канори шаҳрамон дастур дода шуд.