Ба ифтихори 30 солагии таъсисёбии Қувваҳои мусаллаҳи Ҷумҳурии Тоҷикистон Раиси шаҳри Конибодом Абдусалом Тӯхтасунзода аз хонадони сарбозони ватан, ки ҳангоми адои хизмати ҳарбӣ фавтидаанд, аёдат карда, бо падару модар ва аҳли байти онҳо сӯҳбату дидорбинӣ намуд.

Аз ҷумла, Раиси шаҳр ба хонадони сокини ҷамоати деҳоти Патар, сарбози диловар, шодравон Тӯхтаев Нозимҷон, ки дар шаҳри Хоруғ адои хизмат дошт, сокини деҳаи Работ Махкамов Шоҳрух - сарбози қисми ҳарбии ноҳияи Мурғоб ва аз оилаи сарбози шаҳидгардида Мӯъминов Хуршед - сарбози қисми ҳарбии ноҳияи Ш.Шоҳин ташриф оварда, бо падару модар ва аҳли оилаи онҳо сӯҳбати самимӣ дошт. Ҳангоми сӯҳбат аз вазъи зиндагиву рӯзгор, камбудиҳои ҷойдоштаи онҳо пурсон гардида, таъкид дошт, ки давлату Ҳукумати мамлакат, Мақомоти иҷроияи ҳокимияти давлатии шаҳр ҳамеша дар бари онҳо ва дар ғамхориашон аст.

Ба оилаҳо маҳсулоти ғизоӣ ҳамчун ҳадяи идона супорида шуд.