23-феврал Раиси шаҳр Абдусалом Тӯхтасунзода ба дидбонгоҳҳои сарҳадии Маҳрам ва 0214-и деҳаи Ҷаҳонзеб ташриф оварда, сарбозону афсаронро бо идашон табрик гуфт. Раиси шаҳр зикр дошт, ки маҳз бо ҷоннисориву ҷасорати марзбонону муҳофизони Ватан муноқишаҳои марзии вақтҳои охир рухдодаи кишвари мо бо Қирғизистон бартараф гардида, осоиштагии сокинон таъмин карда шуд. Барои ин матонату мардонагии ҳимоятгарони ватан арзи миннатдорӣ ва эътимоди Мақомоти иҷроияи ҳокимияти давлатии шаҳр ба низомиёни диловар расонида шуд.

Дар ҷараёни мулоқоти идона Раиси шаҳр ва фаъолон дар ниҳолшинониву сарсабзгардонии ҳудуди дидбонгоҳҳо иштирок карда, шаҳрдор фаъолони ҷамоатҳои деҳотро муваззаф намуд, ки доимо аз шароитҳои хизмат ва муаммову масъалаҳои ҳалталаби сарбозону афсарон бохабар гарданд.

Барои сарбозон дастурхони идона ороста шуда, тӯҳфаҳои хотиравӣ, нишони сарисинагии ҷашнии Вазорати мудофиаи Ҷумҳурии Тоҷикистон ва Сипосномаи Раиси шаҳр супорида шуд.