Инак ба оғози соли нави таҳсил камтар аз 1 моҳ боқӣ монд. Алҳол падару модарон дар тараддуди харидории либосҳои мактабӣ ҳастанд. Сехҳои дӯзандагии "Созмон", "Гулдаст", "Малика"ва "Юсуф" имрӯзҳо барои пурра таъмин намудани хонандагон бо либосҳои мактабӣ намудҳои зебову шинами либосҳоро омода карда истодаанд. Сехҳо либосҳои тайёри дӯхташуда дар захира доранд, ки волидон дастрас карда метавонанд.

Тавре, ки аз пурсишҳо бармеояд, нархи либосҳо вобаста ба андозаи матоъҳои сарфшуда ва сифати матоъ муайян гардида, аз 150 то 350 сомониро дар бар мегирад.