Бо дастгирии Раиси шаҳри Конибодом Абдусалом Тӯхтасунзода ва ҷаҳду кӯшиши масъулин дар якчанд кӯчаву маҳаллаҳои ҷамоати деҳоти Пӯлодон дар фурсатҳои наздик оби босифати ошомиданӣ таъмин карда мешавад. Бо ин мақсад имрӯзҳо дар ҳудуди кӯчаҳои Сарикуй, Рофиев, Сайдуллоев, Шарипов, Д.Ахмедов ва Зарбед корҳои васлу насби қубурҳои полиэтиленӣ оғоз гардидааст. Дар ин корҳои бообтаъминкунӣ мутахассисони идораи об ва масъулини ҷамоати деҳоти Пӯлодон бо роҳбарии Фирдавс Бахтиёрзода ҳамарӯза сифатнок ва саривақт сурат гирифтани корҳоро назорат мебаранд.

Бо анҷом ёфтани корҳои васлу насб ва фаъол шудани хати об 8-ҳазор аҳолии ҷамоати деҳот давоми 24-соат бо оби хушсифати нӯшокӣ таъмин мегарданд.