Ҳайати адибони ваҳдатсаро, ки аз маркази вилоятамон шаҳри Хуҷанд ҷиҳати гузаронидани мулоқоту вохӯриҳо бо сокинон ба шаҳрамон ташриф овардаанд. Нахуст меҳмонон аз сехи дӯзандагии соҳибкор Ирода Эрматова дидан карда, ба ҳунари дӯзандагии бонувон баҳои баланд доданд.

Баъдан вохӯрии адибони ваҳдатсаро бо сокинон баргузор гардид. Дар вохӯрӣ аҳли адабу фарҳанги шаҳрмон, фаъолони ҷамоати деҳоти Патар иштирок доштанд.

Ҳамоиши пур аз шеъру адабро муовини Раиси шаҳр Зарринахон Ғафурзода ҳусни оғоз бахшида, аз номи Раиси шаҳр Абдусалом Тӯхтасунзода адибони хушқаламро ба шаҳрамон шодбош гуфт. Вохӯрӣ ба ҷашни фархундаи дарпешистодаи 25-солагии Рӯзи Ваҳдати миллӣ доир шуда, баромадкунандагон нахуст дар мавриди тинҷиву ободии ватан, саҳми Пешвои миллат дар ноилшавӣ ба ваҳдати сартосарӣ, расидан ба қадри ваҳдату ободии сарзамин ибрози андеша намуданд. Сипас адибон аз шеърҳои эҷоднамудаашон қироат намуда, хотири ҳозиринро болида доштанд.

Муовини озоди Раиси шӯрои шаҳрии Ҳаракати ваҳдати миллӣ ваВ эҳёи Тоҷикистон Замирахон Ашурматзода ва иштирокдорон аз ин маҳфили фарҳангӣ ва шеърҳои ноб ба меҳмонон изҳори сипос намуданд.

Вохӯрӣ дар фазои зебои шеъру эҷоду адаб хотирмон сурат гирифт.