Субҳи имрӯз дар шаҳрамон мусобиқаи дӯстдоштаи пиру барно - дави миллӣ баргузор гардида, кулли дӯстдорони варзиш ва шавқмандони ин намуди мусобиқаро ба ҳам овард. Дар оғоз Раиси шаҳри Конибодом Абдусалом Тӯхтасунзода ба иштирокдорони дави миллӣ барор таманно намуда, зикр дошт, ки варзиш қосиди сулҳ ва омили муҳими ҷисму рӯҳи солим аст. Раиси шаҳр иштирокдорони мусобиқаро ба дӯст доштани варзиш ва доимо машғул шудан ба оботоби бадан даъват намуд.

Сипас дави миллӣ бо иштироки сокинон, намояндагони касбу кори гуногун, ҷавонон ва сокинони шаҳр оғоз гардид. Иштирокдорони дави миллӣ дар масофаҳои гуногун давида, дар анҷом барои ғолибони мусобиқа тӯҳфаҳои хотиравӣ ва сипосномаҳои Раиси шаҳр супорида шуд.