Маҳз бо тасвиби амри хоса ва ҳидоятҳои мудаввоми Пешвои ғамхори миллат, Президенти кишвар Эмомалӣ Раҳмон бештар аз шаш сол аст, ки садорати мақомоти иҷроияи ҳокимияти давлатии шаҳру ноҳияҳо, ташкилоту идораҳо, соҳибкорон ва афроди алоҳида ба иқдомҳои ҷавонмардона зиёдтар даст зада истодаанд.

Бо дастгирии мақомоти иҷроияи ҳокимияти давлатии шаҳр ва кӯмаки соҳибкорони саховатпеша дар тарабхонаи «Шоҳона» ба таври хайрия хатнасури 18 нафар кӯдак аз оилаҳои ниёзманд барпо карда шуда, ба онҳо кӯмакҳои мухталифи молӣ расонида шуд. Аз ин амали хайр кӯдакон ва аҳли оилаи онҳо хеле шод гашта, миннатдорӣ баён намуданд. Худ дасти ёрӣ дароз кардан ба ниёзмандон яке аз суннатҳои ниёгони соҳибтабори мост. Ин маънӣ дар Паёми навини Сарвари давлат ба Маҷлиси Олӣ низ хеле муассир зикр гардидааст.  Пайрави ба чунин иқдомҳои неку наҷиб амали хайр ва айни муддао буда, аз ҷониби дигар шахсон низ идома меёбад.