Дар ҳамкорӣ бо шуъбаи занон ва оилаи мақомоти иҷроияи ҳокимияти давлатии шаҳр гузаронидани маҳфилҳои идона бахшида ба Рӯзи оила дар ҷамоатҳои деҳот идома дорад.

Ба ин муносибат дар ҷамоати деҳоти Пӯлодон низ маҳфили зебои идона бо иштироки 3-оилаи беҳтарину намунавии ҳудуди ҷамоат гузаронида шуд.

Оилаи кишоварзон Умаров Тоҳирҷон ва Умарова Санавбархон - 65-солагии оиладорӣ, оилаи омӯзгорон Эргашев Абдуҷаббор ва Ваҳҳобова Назокатхон - 45соли оиладорӣ дошта, ҳамчун оилаи беҳтарин бо суханҳои насиҳатборашон дар мавриди оилаву оиладорӣ, омодасозии ҷавонон ба ҳаёти оиладорӣ маҳфилро гарм намуданд. Ҳамчунин яке аз навхонадорон оилаи Султонов Муҳаммадалӣ ва Султонова Сарвиноз ҳамчун оилаи ҷавон даъват шуда буданд. Намояндагони мақомоти иҷроияи ҳокимияти давлатии шаҳр Маҳбубахон Муҳиддинова, Шоирахон Валиева ва муовини Раиси Комиҷроияи шаҳрии ҲХДТ дар шаҳри Конибодом Фирӯзахон Шерматова номаи табрикотии Раиси шаҳри Конибодом Абдусалом Тӯхтасунзодаро ба самъи ҳозирин расонида, оилаҳои ободу хушбахтонаро таманно карданд.

Дар маҳфил саволу ҷавобҳои шавқовар бо ин 3 оилаи беҳтарин доир карда шуда, дар ҳавои созу сурудҳои дилнишин хотирмон сурат гирифт.

\