Бахшида ба ҷашни Наврӯз ва дар радифи омодагиҳо ба пешвози Асосгузори сулҳу Ваҳдати миллӣ- Пешвои миллат, Президенти мамлакат мӯҳтарам Эмомалӣ Раҳмон дар ҳудуди шаҳр як қатор корҳо ба сомон расонида шуданд. Аз ҷумла, сокинони ҷамоати деҳоти Пӯлотон бо ин мақсад тозакориву бунёдкориҳоро вусъат бахшида, шанбегӣ гузарониданд. Умуман, дар ин маҳал ҳар ҳафта гузаронидани шанбегиҳо ба ҳукми анъана даромадааст. Ин навбат сокинони деҳот ба ҳашари умумӣ баромада, канал, гирду атрофи он, кӯчаву роҳравҳо ва ҷӯйборҳоро аз ифлосиву партовҳо тоза намуданд. Мардум аҳлона дар шанбегӣ иштирок намуда, дар ободонии маҳалли зист ва деҳот ҳисса гузоштанд. Дар рафти шанбегӣ махсусан, канали «Оби сойи Исфара», ки намудаш дар қисмати ин деҳа басо нигаронкунанда шуда буд, тоза карда шуд.  Сомони чунин ободкориҳо хоса дар ин айём амали хайр буда, шоистаи пайравист ва дар дигар ҷамоатҳои деҳот низ идома дорад.