Бо дастгирии мақомоти иҷроияи ҳокимияти давлатии шаҳр ва дастгирии соҳибкорони маҳаллӣ ҳаммоми аз фаъолият бозмондаи маҳаллаи Абдулаҳад Қаҳҳоров пас аз таъмири хушсифати замонавӣ ба фаъолият шурӯъ намуд.  Соҳибкорон оилаи Бӯрибоевҳо ин мавзеъро таъмиру таҷдид намуда, дар рӯзи таҷлили Рӯзи модар ба истифода доданд. Ба ин муносибат дар ин нуқтаи хизматрасонӣ сокинони маҳалла ва соҳибкорони шаҳр иштирок доштанд. Муовини Раиси шаҳр Илҳомҷон Ҳомидов зимни иштироки худ иқдоми соҳибкор Фаррухҷон Бӯрибоевро дастгирӣ намуда, аз номи Раиси шаҳр аҳли маҳалларо бо ин тӯҳфаи идона таҳният гуфт. Баъдан лентаи рамзӣ бурида шуд.  

Бошад, ки иқдому ташаббусҳои бунёдкоронаи соҳибкоронаи шаҳр диёрамонро боз ҳам зеботар гардонида, баҳри некӯаҳволии сокинон мусоидат намояд.