Дар ин рӯзҳои оғози  фасли баҳор корҳои ободонӣ дар ҳудуди шаҳр босуръат идома дорад ва аз тағйир ёфтани симои шаҳр руҳбаландии мардум хуб эҳсос мегардад. Дар ин радиф тоза намудани каналу ҷӯйборҳо, ки дар баъзе мавзеъҳо ҳолати нигаронкунанда дорад, аз вазифаи аввалиндараҷаи  ҳар як сокини шаҳр маҳсуб меёбад.  Хушбахтона, имрӯзҳо аксари сокинони шаҳр иқдом  гирифта,   ба тозакориву ободонӣ даст зада, аз ҷумла, ба тоза намудани Канали калони Фарғона оғоз кардаанд. Сокинони ҷамоати деҳоти ба номи Э.Шарипов низ ташаббускорӣ нишон дода, ба тоза намудани канал ҷиддан рӯ оварданд. Аҳолӣ ҳашари умумӣ доир намуда, каналро аз ҳар гуна ифлосиву партовҳо тоза карданд. Пайгирӣ аз чунин иқдомҳо аз ҷониби дигар сокинони шаҳр низ амали хайр маҳсуб ёфта, идома дорад.