Дар арафаи 23-юмин солгарди Рӯзи таъсисёбии Қувваҳои Мусаллаҳи Ҷумҳурии Тоҷикистон бо мақсади баланд бардоштани ҳисси ифтихори миллӣ, ватандӯстиву меҳанпарастӣ ва омода намудани ҷавонон ба хизмати ҳарбӣ дар литсейи касбии саноати кишоварзӣ як қатор  чорабиниҳо  доир карда шуданд. Аз ҷумла, бо ибтикори роҳбарияти ин боргоҳ  байни донишҷӯён озмуни  шавқовар баргузор гардид.  Озмуни мазкур аз рӯи намудҳои мухталиф гузаронида шуда, ҷавонписарон аз рӯи  машқҳои ҳарбӣ, аз ҷумла, тирпарронӣ, ҷахидан ба дарозӣ, давидан, ба қисмҳо ҷудо намудан  ва   ҷобаҷокунии силоҳ ва  монанди инҳо маҳорату малакаи худро санҷида, байни ҳам қувваозмоӣ намуданд. Озмун хеле шавқовару судманд доир гардида, дар фарҷом ғолибон бо ифтихорномаву тӯҳфаҳо тақдиронида  шуданд.