Дар доираи 500 рӯзи меҳнати зарбдор ва бахшида ба Иди ҷанговарони байналмилал, эълон гардидани соли маҳалла, деҳа ва шаҳраки обод дар ҳудуди шаҳр шанбегии умумишаҳрӣ гузаронида шуд. Дар шанбегӣ раиси шаҳр Ғайбулло Боҳирӣ, роҳбарони ташкилоту муассисаҳо ва оммаи васеи сокинон иштирок намуда, дар ободониву кабудизоркунӣ ва сарсабзгардонии шаҳр саҳм гузоштанд. Дар назди даромадгоҳи шаҳр зиёда аз 300 бех ниҳоли арча шинонида шуд. Пиру ҷавон  бо як самимияти хос ба ниҳолшинониву  тозакориҳо шурӯъ намуда, ба пешвози ҷашнҳои дарпешистода  бо дили гарм ва хушнудӣ омодагӣ мегиранд. Чунин корҳои ободонӣ дар дигар мавзеъҳои  шаҳр низ  идома дорад.