Имрӯзҳо ҷалби ҷавонон ба варзиш ва ба ин васила сохтмону бунёд ва  таҷдиду навсозии варзишгоҳҳо ва толору майдончаҳои варзишӣ яке аз масъалаҳои муҳим мебошад. Бо иқдоми Федератсияи футболи Тоҷикистон ва дастгирии Раиси шаҳр  Ғ.Боҳирӣ  дар  варзишгоҳи дохили боғи истироҳатӣ ва фарҳангии шаҳр ба бунёди майдончаи нави варзишӣ асос гузошта шуд. Дар маросими гузоштани хишти аввали сохтмони ин маҷмааи варзишӣ Раиси шаҳр Ғ.Боҳирӣ, ноиби Президенти Федератсияи футболи Тоҷикистон Дилшод Ҷӯраев ва дигар масъулини федератсия иштирок намуданд. Маҷмааи мазкур ду майдончаи футболбозии сабзааш  маснӯии замонавиро дарбар мегирад.  

Бояд зикр кард, ки айни ҳол дар Мактаби варзишии шаҳр ба таври умумӣ 450 нафар дар 44 гурӯҳҳои (сексияҳо) машқӣ бо машғулиятҳо фаро гирифта шуда, минбаъд барои онҳо шароитҳои боз ҳам мусоидтар барои машқу тамрин фароҳам оварда мешавад, зеро варзиш гарави солимиву бардамии ҳар фард аст. Бунёди ин маҷмааи варзишӣ таконбахше хоҳад буд баҳри  рушди  футбол  дар миқёси шаҳр.