Дар маҷлисгоҳи Беморхонаи марказии шаҳр ҷаласаи ҳисоботии Шӯрои собиқадорони соҳаи тандурустӣ доир гардид. Дар он Раиси Шӯрои собиқадорони ҷангу меҳнати шаҳр Қаҳхорҷон Ҳасанов, менеҷери сохтори госпиталӣ Шавкат Ёқубов, менеҷери Кӯмаки аввалияи тиббӣ-санитарӣ Аҳмадҷон Ёқубов, раиси Шӯрои собиқадорони соҳаи тандурустӣ Фароғат Садриддинова ва собиқадорони соҳа иштирок намуданд. Дар кори ҷаласа Раиси Шӯрои собиқадорони ҷангу меҳнати шаҳр Қаҳхорҷон Ҳасанов, менеҷери сохтори госпиталӣ Шавкат Ёқубов, раиси Шӯрои собиқадорони соҳаи тандурустӣ Фароғат Садриддинова баромад намуданд. Зимни ҷаласа аз ҷумла, қайд гардид, ки соли сипаригардида Шӯро фаъолияти худро  баҳри ҳамаҷониба ба роҳ  мондани  дастуру супоришҳои Президенти кишвар, иҷрои қарорҳои Ҳукумати ҷумҳурӣ, Раиси вилоят ва шаҳр равона намуда, ба натиҷаҳои назаррас ноил гардиданд. Дар баробари ин, дар соҳа камбудиву норасоиҳо низ ҷой дошта, минбаъд баҳри бартараф намудани онҳо тамоми кӯшишҳо ба харҷ дода хоҳанд шуд. Ҳамчунин, дар самти корбарӣ бо ҷавонон корро пурзӯр намудан ва бурдани корҳои фаҳмондадиҳӣ аз вазифаҳои аввалиндараҷаи аъзоёни Шӯро арзёбӣ гардид. Қайд шуд, ки ҳама  кӯшишҳои собиқадорон низ ба хотири солимии ҷомеа аст ва бояд боз ҳам ҷоннок карда шавад.  Баъди шунидани ҳисобот ва маърӯзаҳо якчанд нафар собиқадорон ба музокира баромада, андешаҳои хешро бобати тақвият бахшидан ба кори Шӯро иброз доштанд.

Дар фарҷом аъзоёни  нави Шӯро ва вакилон ба Конфронси 7-уми Шӯрои собиқадорони шаҳр интихоб карда шуданд.