Чуноне ки маълум аст, дар асоси Қарори Раиси вилояти Суғд муҳтарам Абдураҳмон Қодирӣ соли 2016 соли фарди солим эълон гардидааст.  Дар  доираи нақша-чорабиниҳои мақомоти иҷроияи ҳокимияти давлатии шаҳр ва бахши кор бо ҷавонон, варзиш ва сайёҳӣ  силсилаи вохӯриву мулоқот ва мусобиқаҳои варзишӣ доир гардида истодааст. Аз ҷумла, дар шаҳр ҳар ҳафта рӯзи шанбе Рӯзи варзиш эълон гардида, субҳи барвақт аксари сокинон  барои иҷрои дастаҷамъонаи машқҳои пагоҳирӯзӣ  гирд омада, ба обутоби бадан машғул мешаванд.  Хурду бузург зери шиори «Варзиш –гарави саломатӣ» амал карда, бо шавқу рағбати том машқҳоро иҷро мекунанд. Ҳамин  тавр, ҳар ҳафта рӯзи шанбе  сокинон метавонанд   бо анҷом додани машқҳои гуногуни варзишӣ саломатии худро мустаҳкам намоянд.