Имрӯзҳо  иқдомҳои созандаи Раиси вилояти Суғд мӯҳтарам Абдураҳмон Қодирӣ оид ба эълон намудани соли 2016 ҳамчун соли фарди солим ва  соли маҳалла, деҳа ва шаҳраки обод дар кумитаи маҳалла ва деҳоти шаҳр байни сокинон низ ҳаматарафа ҷонибдорӣ гардида истодааст. Сокинони шаҳраки Навобод  низ дар радифи иҷроиши нақша-чорабиниҳои мақомоти иҷроияи ҳокимияти давлатии шаҳр бахшида ба сазовор истиқбол гирифтани 25-солагии Истиқлолияти давлатии Ҷумҳурии Тоҷикистон ба корҳои ободонию созандагӣ вусъати тоза  мебахшанд.

Санаи 30.01.2016 аҳли маҳалла сарҷамъона ба ҳашари умумӣ баромада, ҳудуди маҳалларо аз партовҳо тоза намуда, 100 бех дарахтони ороишӣ шинониданд. Онҳо ният доранд, ки ин иқдоми худро ҳамарӯза идома дода, маҳаллаи худро ба қатори беҳтаринҳо дохил намоянд.