Чанде пеш дар кохи «Мошинсозон» раиси шаҳр Ғайбулло Боҳирӣ бо кишоварзон мулоқот орост. Раиси шаҳр зимни баромади худ ба кишоварзон барои фаъолияти пурсамар сипосгузорӣ карда, ҳамзамон, оид ба масъалаҳои таъминот бо об, пардохти андоз, афзудани истеҳсоли гӯшт, истифодаи самараноки замин ва дигар масъалаҳои ҳалталаби соҳа ҳарф зад. Ба хотири фаъолияти пайвастаи идораи беҳдошти замин ва обёрии шаҳр, пурра қонеъ намудани талабот бо оби полезӣ пешниҳоди судманд баён дошт, ки аз ҷониби иштирокдорон ҷонибдорӣ ёфт.

Сипас, шаҳрдор ба чанде аз суолҳои иштирокдорони вохӯрӣ ҷавоб дода, зикр кард, ки мақомоти иҷроияи ҳокимияти давлатии шаҳр ҳамеша омода аст дар ҳалли ҳама гуна муаммоҳои истеҳсолӣ мусоидат намояд. Ҳамин тавр, вохӯрӣ бо кишоварзон хеле судманд анҷом пазируфт.